Expert outreach/Wicipediwr Preswyl y Llyfrgell Genedlaethol

ENGLISH

O'r 19eg o Ionawr 2015, mae Wikimedia UK a'r Llyfrgell Genedlaethol yn cefnogi ar y cyd prosiect sy'n datblygu ymhellach adnoddau, ffeiliau digidol a mathau eraill o wybodaeth ar drwydded agored. Bydd y prosiect hefyd yn ceisio ehangu a gwella'r mynediad i'r wybodaeth a gedwir gan y Llyfrgell. Bydd y penodiad o Wicipediwr preswyl yn canolbwyntio ar y gwaith hwn a hefyd yn hwyluso rhaglen o ‘Editathons’ a gweithdai staff. Mae'r prosiect hwn yn gorgyffwrdd yr ardaloedd partneriaethau diwylliannol a’r allgymorth arbenigol o waith Wikimedia UK. Bwriad y dudalen hon yw safle ar gyfer trafodaeth, ac i ddarparu gwybodaeth am brosiectau parhaus a phrosiectau bosib am y dyfodol, a drefnwyd fel rhan o'r cydweithio rhwng y Llyfrgell Genedlaethol a Wikimedia. Os oes gennych ddiddordeb mewn cymryd rhan yn ddigwyddiadau a drefnwyd gan Wikimedia yn y LLGC, neu eisiau cyfrannu at gymuned Wikimedia yng Nghymru, mae croeso i chi gysylltu â'r Wicipediwr Preswyl Jason Evans

Nodau ac amcanion

Bydd y cyfnod preswyl yn rhedeg am flwyddyn gyda'r nod o adeiladu pontydd parhaol rhwng y Llyfrgell a Wicipedia. Bydd y Wicipediwr preswyl yn gweithio'n agos gyda staff y Llyfrgell i hwyluso rhyddhau casgliadau digidol dan drwyddedau agored i'w defnyddio ar Wicipedia a mannau eraill. Yn ogystal, bydd ffocws ar wella cynnwys Wicipedia drwy gynnal cyfres o ‘Olygothonau’ (Editathons). Hefyd bydd cyfres o weithdai ar ddefnyddio a golygu Wicipedia ar gynnig i bob aelod o staff.

Trwy gefnogi a chyfranogi yn natblygiad adnodd sydd â phroffil mor uchel, bydd y fenter hon yn cyfrannu at gyflawni ein hamcan o ddarparu 'Gwybodaeth i Bawb' ac yn ei dro yn denu pobl yn ôl at wasanaethau a chasgliadau’r Llyfrgell.

Gweithgareddau

Wrth i'r Preswylio mynd yn ei flaen bydd log o brosiectau neu ddigwyddiadau sy'n cael eu trefnu, cyfraniadau sydd ar y gweill, a chyfraniadau sydd wedi'u nodi ar gyfer y dyfodol, yn cael ei ddiweddaru yma. Rwy’n annog pob defnyddiwr Wikimedia, yn benodol y rhai yng Nghymru, i gysylltu â mi unrhyw bryd gydag awgrymiadau neu gynigion i helpu!

Cefndir

Llyfrgell Genedlaethol Cymru

Yn ôl papur a chyhoeddwyd gan y Llyfrgell Genedlaethol Cymru , mae’r casgliadau yn cynnwys

• 6 miliwn llyfir, cylchgrawn, papur newydd a deunydd print arall
• 25,000 llawysgrif (yr hynaf yn dyddio o 113 AD, ac yn cynnwys y llawysgrifau cynharach yn y Gymraeg)
• 2,500 casgliadau archifol
• 1 Miliwn mapiau
• 40,000 Lluniau
• 800,000 Ffotograffau
• 5.5miliwn troedfedd o ffilm
• 250,000 oriau of fideo
• 200,000 awr of recordiadau sain

The Wikipedian in Residence

Wicipediwr (neu Wicipediwr) Preswyl yw Wicipediwr sy'n gweithio yn fewnol mewn sefydliad. Yn sylfaenol mae’r rôl yn ymwneud â galluogi’r sefydliad a'i aelodau i barhau perthynas gynhyrchiol gyda'r gwyddoniadur a'i chymuned ar ôl i'r cyfnod Preswylio ddod i ben. Y nod yw hyrwyddo dealltwriaeth o brosiectau Wikimedia ymysg staff y Llyfrgell, yn ogystal â sefydliadau GLAM yng Nghymru yn fwy cyffredinol, drwy drefnu gweithdai a digwyddiadau. Mae Wicipediwr preswyl hefyd yn gweithio gyda staff i ddigideiddio, crynhoi, a threfnu adnoddau y gellir eu rhannu gyda'r gymuned Wikimedia

Planning and reporting

Adroddiadau misol

1. Ionawr 2015

Sylw yn y Wasg

• 21 Ionawr – Cyfweliad BBC Radio Cymru (dim linc)
• 21 Ionawr - "Wikipedian takes up residence at The National Library", Cambrian News 21/Jan/2015 (dim linc)

Blogiau

• Blog y LLGC - "Wicipediwr Preswyl - Sut fydd o'n gweithio?" gan Jason Evans. 20 Ionawr 2015.
• Blog y LLGC - "Wicipediwr i breswylio yn y Llyfrgell Genedlaethol" Gan LLGC. 15 Ionawr 2015.

Cyswllt

Cysylltwch efo Jason Evans drwy e-bost jje@llgc.org.uk neu gadewch neges ar fy nhudalen sgwrs Jason.nlw (talk) 09:57, 27 January 2015 (GMT)