Template:Main Page cy

Newyddion Diweddaraf Mike Peel yn ymddiswyddo o Fwrdd Wikimedia UK 27 Gorffennaf 2013 gan Stevie Benton Mike Peel Gyda gofid y cyhoeddwn i Mike Peel ymddiswyddo fel un o ymddiriedolwyr ein helusen. Mae cyfraniad Mike dros y blynyddoedd i'r elusen ac i'r mudiad Wikimedia'n cael ei werthfawrogi a'i edmygu gan bawb. Daeth yn Wicipediwr yn 2005 ac yn un o sylfaenwyr Wikimedia UK. Bu'n aelod o Fwrdd yr elusen, yn gadeirydd ac yn ysgrifennydd yn ei dro a hynny ers sefydlu'r Bwrdd yn 2008. Mae ei gyfraniad yn amhrisiadwy ac yn rhy niferus i'w rhestru yma! Yn wir, byddai'n ganmil haws rhestru'r prosiectau NAD ydyw wedi bod yn rhan ohonynt. Dywedodd Chris Keating, Cadeirydd Wikimedia UK: "Ni fyddai WMUK yn bodoli heb gyfraniad Mike dros y blynyddoedd. Bu'n allweddol yng ngweithgareddau'r Bwrdd. Mae ganddo synnwyr moesoldeb di-syfl, dyfalbarhad ac mae gwaith caled yn ei galon! Yno hefyd mae ei weledigaeth a'i werthoedd o'r hyn rydym yn ceisio'i gyrraedd a'i gyflawni." Mae Mike yn awyddus iawn, fodd bynnag, i roi ei ynni yng ngwaith Pwyllgor Rhannu Arian Wikimedia Foundation a dychwelyd at rai prosiectau eraill sydd gan Wikimedia. Bydd hefyd yn parhau ei gysylltiad agos gyda Wici Cymru a'r prosiect Llwybrau Byw!. Ashley Van Haeften yn ymddiswyddo o Fwrdd Wikimedia UK 13 Gorffennaf 2013; gan Stevie Benton Cyhoeddodd Wikimedia UK fod Ashley Van Haeften (Defnyddiwr:Fae) wedi penderfynnu ymddiswyddo fel ymddiriedolwr yr elusen, a hynny ar unwaith. Cyfrannodd Fæ yn helaeth at waith y mudiad Wikimedia a'r elusen ers iddo gael ei ethol i'r bwrdd yn Ebrill 2011, gan Gadeirio rhwng Ebrill 2012 ac Awst 2012. Mae Wikimedia UK yn diolch iddo ac yn gwerthfawrogi'r gwaith da, yr amser a roddodd a'i arbenigedd dros y ddwy flynedd diwethaf. Gobeithiwn yn fawr y gwneith barhau i gyfrannu yng ngweithgareddau'r Siapter fel aelod a dymunwn yn dda iddo yn y dyfodol. Bydd y Bwrdd yn trafod cyfethol rhywun yn ei le a bydd datganiad arall yn cael ei wneud cyn hir. Casgliad o Ddelweddau o Ganada yn y Llyfrgell Brydeinig sydd bellach ar Gomin Wicipedia Enghraifft o un o'r delweddau o'r Casgliad Sgwennwyd y postiad hwn gan Andrew Grey a Philip Hatfield ac fe'i cyhoeddwyd yn wreiddiol ar flog Wikimedia Foundation yn fama. Roedd y cyntaf o Orffennaf yn Ddiwrnod Canada, a chyhoeddodd Wikimedia UK a'r Llyfgell Brydeinig (BL) eu bônt wedi rhyddhau 2,000 o hen ffotograffau o Ganada. Ers Medi 2012, buom yn gweithio'n digideiddio casgliad o ffotograffau hanesyddol o Ganada gan eu rhyddhau ar Gomin Wicipedia ac felly i'r parth cyhoeddus. Daeth y casgliad yn eiddo i'r BL rhwng 1895 a 1924 ac mae'n cynnwys ffotograffau cyfraniad hawlfraint gan ffotograffwyr y cyfnod hwnnw. Trefnwyd y cyfraniad hawlfraint hwn drwy ddeddf drefedigaethol parthed hawlfraint ("Colonial Copyright Law"), a geisiodd ymestyn deddfau hawlfraint Prydeinig dros ei hymerodraeth. Yn ymarferol, roedd y ddeddf hon yn fethiant llwyr a dim ond llond dwrn o diriogaethau wnaeth ei pharchu drwy gyfrannu deunydd. Ond hyd at 1925, fe wnaeth Ganada hynny a gweinyddodd yr Adran Amaeth y ddeddf ar eu rhan. Danfonwyd copi o bob eitem i Ottawa ac i Lundain, ble gawsant eu harchifo gan y BL ac yna eu anghofio am ddegawdau. Mae'r casgliad yn cynnwys llyfrau wedi'i cyhoeddi, cerddoriaeth, mapiau ac wrth gwrs, ffotograffau. Er fod y ffotograffau, ar y pryd, yn cael eu cyfri fel pethau dibwys, maent bellach yn cael eu cyfri fel cip ar fywyd yng Nghanada ar adeg tyngedfenol yn ei hanes; 30 mlynedd o ddatblygiad y Cyd-ffederasiwn, yn wleidyddol, yn economaidd ac yn gymdeithasol tra'n ceisio cydnabyddiaeth fydeang. Mae'r casgliad felly'n groesdorriad gweledol o wladwriaeth yn newid, o Vancouver i Halifax gyda ffotograffwyr mân a mawr megis Frank Micklethwaite or William Notman. Mae'r lluniau i'w cael yma ar Gomin Wicipedia. Darllenwch ragor yma Wikimedia UK yn penodi Rheolwr i Gymru Robin Owain 2 Gorffennaf, 2013 Pleser o’r mwyaf yw cyhoeddi penodiad Robin Owain, ein Rheolwr cyntaf yng Nghymru. Dechreuodd Robin ar y gwaith heddiw, a bydd yn arwain y prosiect Llwybrau Byw! Bydd hefyd yn arwain ein hymgais i ehangu’r Wicipedia Cymraeg a’r Wikipedia Saesneg yng Nghymru. Bydd ei swydd yn para am 12 mis. Dywedodd Robin: “Mae mynd i fewn – i ganol y gweithgareddau – gan ddangos i werin Cymru be allant wneud yn rhoi byz anhygoel i mi: gall bawb fod yn awdur, yn gyhoeddwr ac yn addysgwr drwy gyfrwng Wicipedia, a rhoi yn ôl rhywbeth gwerthfawr iawn i gymdeithas. “Mae bod yn rhan o Wikimedia UK a Wici Cymru (dau griw bendigedig) yn sylfaen gadarn yn fy ngwaith o gerdded y Llwybrau Byw.” Dywedodd Jon Davies, Prif Weithredwr Wikimedia UK, “Mae penodiad Robin fel ein Rheolwr yng Nghymru yn rhan hanfodol o’n strategath ”outreach”. Wicipedia Cymraeg ydy’r wefan Gymraeg fwyaf boblogaidd yn y byd ac rydym yn ymfalchio ein bod yn medru cefnogi’r Gymrag. “Er gwaetha’r ffaith fy mod yn hanner Cymro fy hun, mae fy ngwybodaeth o’r Gymraeg yn fach, ond dw i’n falch iawn fy mod yn medru cynorthwyo i’w bywiogi fel hyn, er mor fychan yw’r cyfraniad hwnnw.” Darllenwch ragor yma Jisc a Wikimedia UK yn codi pont rhwng academia a Wicipedia 27 Mehefin 2013 gan Stevie Benton Dr Martin Poulter Mae Jisc a Wicimedia UK yn cydweithio ar brosiect sy'n dod a'r byd academaidd a Wicipedia yn nes at ei gilydd. Bydd hyn yn creu cyfleoedd ar gyfer ymchwilwyr, addysgwyr a'r cyhoedd i gyfrannu tuag at wybodaeth rhydd, am ddim ac sy'n agored i bawb. Mae'r elusen addysgol Jisc yn arbenigwr mewn technoleg ddigidol o fewn y byd addysg ac ymchwil, ac mae nhw'n cefnogi'r prosiect hwn er mwyn ehangu'r gynulleidfa a wneith fanteisio ar y gwaith blaenllaw ac avant-garde mae'n ei wneud. Mae'r gwaith yma'n cynnwys adnoddau agored addysgol, casgliadau o waith ymchwil arlein a chasgliadau eraill (e.e. papurau newydd wedi'u digideiddio). Mae Wikimedia UK yn elusen sy'n cefnogi Wicipedia Cymraeg a phob un o'r 280 iaith arall a'i chwaer brosiectau megis Comin, Wiciadur a Wicidestun. Mae'n cydweithio gyda gweithwyr proffesiynol mewn llyfrgelloedd, prifysgolion, amgueddfeydd a sefydliadau eraill er mwyn gwella'r wybodaeth sydd ar y prosiectau hyn ac er mwyn ehangu hygyrchedd y wybodaeth er lles pawb. Mae'r prosiect hwn wedi'i sefydlu ym Mhrifysgol Bryste. Bydd yn hyfforddi arbenigwyr yn eu gweithle ac yn cynnal ambell "olygathon" a fydd yn agored i'r cyhoedd. Penodwyd y Dr Martin Poulter yn Llysgennad i'r prosiect a bydd yn gyfrifol am bontio rhwng y ddwy gymuned: Jisc a Wikimedia UK. Penodwyd Dr Toni Sant ychydig yn ôl yn gyfrifol am yr adran addysg o fewn WMUK, adran sy'n canolbwyntio ar addysg drydyddol. Bydd gwaith Martin yn cynnwys clustnodi meysydd i'w datblygu yn ogystal a threfnu Cynhadledd EduWiki ym Mae Caerdydd yn Nhachwedd 2013. Darllenwch ragor yma Cynhadledd WMUK – Mediawiki ar gyfer OER a Learning Analytics Y Gadeirlan yn Lincoln 12 Mehefin 2013 gan Richard Nevell. Cyhoeddwyd y testun gwreiddiol a welir isod gan Simon Knight, yma. Ddydd Sadwrn, yn Lincoln, siaradais yng Nghynhadledd Wikimedia UK am y defnydd o Mediwiki ar gyfer Adnoddau Dysgu Agored (OER, neu Open educational resources) a Learning Analytics; mae'r sleidiau a gyflwynais i'w cael yma a bydd fideo o'r cyflwyniad ar lein cyn hir. Mi wnes i gyfarfod grwp o bobl yn EduWiki 2012 (a rhennais ychydig o fy syniadau yma: EduWiki 2012), ceisiais adeiladu fy sgwrs ar y gwaith a wnes yng Nghaergrawnt ar y prosiect ORBIT – creu llwyfan o adnoddau dysgu agored ar gyfer dysgu rhyngweithiol yn enwedig y pynciau STEM a gweithiau eraill sy'n berthnasol i fy ngwaith PhD. Darllenwch ragor yma Wythnos y Gwirfoddolwr - llythyr gan ein Prif Weithredwr 4 Mehefin 2013 gan Stevie Benton. Sgwennwyd y cofnod blog canlynol gan Jon Davies, Prif Weithredwr Wikimedia UK Jon Davies, Prif Weithredwr WMUK Mae 1-7 Mehefin yn Ddiwrnod y Gwirfoddolwr yn y DU. Pa well ffordd i'n hatgoffa fod prosiectau Wikimedia, gan gynnwys Wicipedia, yn cael eu sgwennu'n gyfangwbwl gan wirfoddolwyr? Ers dros 12 mlynedd mae criw enfawr o bobl, o bob cefndir dan haul, ac o bob oedran, barn, a diddordebau, wedi dod at ei gilydd i greu y cefnfor eang yma o wybodaeth rhydd, gan ei rannu gydag eraill gan eu bont yn credu fod hynny'n beth da a gwerth chweil. Ac mae nhw'n parhau i wneud hynny. Carem gynnig ein diolch di-ben-draw a chynhesaf i bawb sy'n gwirfoddoli i ryddhau a datblygu'r cefnfor hwn o wybodaeth, am eu hynni, a'u hamser i hyrwyddo'r cysyniad hwn o wybodaeth rhydd ac am ddim i bawb. Waeth pa ran o'r gwaith rydych yn ei wneud: cywiro camsillafu, golygu'r cynnwys, sgwennu a datblygu erthyglau, hyfforddi golygyddion newydd, gweithio gyda'r adran GLAM neu addysg neu hyd yn oed gwneud paned o de - can diolch i chi am wneud Wikimedia'n bosib. A dyma pam yr es ati i ofyn i fy nghydweithwyr sut roedden nhw'n teimlo ynglŷn â gweithio gyda gwirfoddolwyr Wikimedia... Darllenwch ragor yma Digwyddiadau i'w clustnodi I weld holl ddigwyddiadau 2013 (a fu ac a ddaw), cliciwch yma Awst 04 - Wicigyfarfod Rhydychen 5–7 - WikiSym + OpenSym 2013, Hong Kong 7–11 - Wikimania 2013, Hong Kong 08 - Golygathon - Archifdy Conway Hall, Llundain 18 - Wicigyfarfod Glasgow 18 - Wicigyfarfod Llundain Medi 06 - Medical Research Council: Merched mewn gwyddoniaeth, Llundain; manylion i ddod 08 - Wicigyfarfod Llundain 15 - Wicigyfarfod Newcastle Croeso ac esboniad am ein gwaith Croeso i Wikimedia UK Torchi llewis a gweithredu Ymunwch â Wikimedia UK: mae aelodaeth yn agored i bawb ac yn costio £5 yn unig, y flwyddyn. Er bod nifer o'n haelodau'n olygyddion ar un neu nifer o chwaer brosiectau Wikimedia, does dim rhaid i chi fod! Mae ein haelodau'n chwarae rhan allweddol yn llunio dyfodol ein mudiad, drwy ethol Bwrdd rheoli a llunio strategaeth yn y Cyfarfod Cyffredinol Blynyddol. Digwyddiadau: trefnwn nifer o ddigwyddiadau'n flynyddol, gan gynnwys cyfarfodydd megis y golygathon, wici gyfarfodydd, digwyddiadau "y tu ôl i'r llen", gweithdai a chynadleddau. Mae bron yr holl ddigwyddiadau hyn am ddim ac yn agored i'r byd a'r betws - dewch draw i'n cyfarfod ac i ymuno yn yr hwyl! Rydym wastad yn awyddus i gyfarfod darpar olygyddion a gwirfoddolwyr newydd. Os oes gennych chwip o syniad da, neu amser, neu sgiliau y carwch eu rhannu gyda Wicimedia UK, beth am ebostio un o aelodau'r Bwrdd? Ac i goroni'r cyfan, mae gennym arian i gynorthwyo a chefnogi prosiectau o fewn ein cymuned. Ynglŷn â Wikimedia UK Wikimedia UK (neu Wicifryngau DU) ydy siapter Wikimedia ar gyfer gwledydd Prydain a Gogledd Iwerddon. Ein hamcan a'n gwaith yw cynorthwyo i gasglu, datblygu a lledaenu gwybodaeth trwyddedig a chynnwys addysgol, diwylliannol a hanesyddol, a hynny am ddim. Gwnawn hyn drwy ddod â chymunedau Wikimedia yr ynysoedd hyn at ei gilydd a thrwy adeiladu cysylltiadau gyda sefydliadau diwylliannol, prifysgolion, elusennau a chyrff eraill. Cynrychiolwn, hefyd, ein cymuned ar Sefydliad Wikimedia a'r mudiad yn fyd-eang. Os ydych yn rhannu ein gweledigaeth, trowch atom! Mae'r rhan fwyaf o'n digwyddiadau yn rhad ac am ddim ac yn gyfarfodydd cyhoeddus, neu ymunwch â ni am ddim ond £5! Mae Wikimedia UK yn elusen gofrestredig. Cawn ein hariannu'n gyfangwbwl gan gyfraniadau gwirfoddol, yn bennaf drwy gynllun codi arian Wikimedia. Nodwch, os gwelwch yn dda, ein bod yn fudiad cwbwl ar wahân i Sefydliad Wikimedia, ac nad oes gennym reolaeth ar Wicipedia na'r un o chwiorydd neu brosiectau eraill y sefydliad hwn. Gwirfoddolwyr Rhoi Ymunwch â Wikimedia UK Cysylltu Ymholiadau: infowikimedia.org.uk Cyfryngau: presswikimedia.org.uk Gallwch ein dilyn ar Twitter (@wikimediauk) neu ein "Hoffi" ar Facebook (WikimediaUK). Gallwch hefyd ein dilyn ar restr drafod ebost ein cymuned (Saesneg). Rhagor amdanom

English

---

Для української мови Вікіпедії ласка, відвідайте http://uk.wikipedia.org; для Вікімедіа Україна відвідайте http://ua.wikimedia.org
For the Gaelic language Wikipedia please visit http://http://gd.wikipedia.org/wik; for Wikimedia Ukraine please visit http://ua.wikimedia.org

Os oes gennych unrhyw syniadau ar gynnwys neu ar olwg y wefan hon, gadewch sylw ar y Dudalen Sgwrs, neu arbrofwch yn y Blwch Tywod.